Ermal Hasimja, i ftuar në SYRI TV, ka folur për situatën politike në vend duke komentuar edhe personazhet kryesore si përgjegjës të kësaj situate.
Hasimja ka theksuar se jemi në një situatë ku ato probleme që kemi i kanë rrënjët e ngulura në realitetin tonë, pasi si popull të votojmë dhe i puthim dorën e atyre që i konsiderojmë si përgjegjës të problemeve tona.
Hasimja: Edhe para 10 apo 20 vitesh ishte e lehtë të parashikoje gjendjen ku ndodhet sot vendi. Është e qartë se jemi në një situatë ku ato probleme që kemi i kanë rrënjët e ngulura në realitetin tonë. Të vetmet gjëra që ndryshojnë janë personazhet ose situatat e personazheve.
Kemi ngecur deri diku, si thonë tironsit e vjetër që ‘kemi lloc’. Në radhë të parë problemi është te kultura politike e vendit. Për aq kohë vazhdojmë si popull të votojmë dhe të puthim dorën e atyre që i konsiderojmë si përgjegjës të problemeve tona, atëheë situata do të vazhdojë të jetë e njëjta.
Shpresa është që të fillojë të ndryshojë gradualisht.
