Hasan Salihamixhiç ka befasuar të gjithë me deklaratën e tij për largimin e mundshëm të Robert Lewandowskit.
I ftuar në një emision televiziv një ditë pas ndeshjes ndaj Dortmundit, “Brazo” tha se nuk ka ndër mend ta lërë Levën të largohet.
“Nuk di se çfarë do të ndodhë pas 2023-shit, por një gjë është e sigurt: Roberti nuk do të ikë në fund të sezoni. Sigurisht që do të takohemi në ditët e ardhshme dhe do të bisedojmë, por ne si klub nuk do ta shesim për asnjë çmim lojtarin. Ai ka një kontratë me ne dhe ajo do të respektohet. Më pas të bëjë çfarë të dojë, do të jetë një lojtar i lirë”, tha drejtori sportiv i skuadrës bavareze në lidhje me të ardhmen e polakut.
