Këngëtari Thomas Grennan është sulmuar dhe grabitur jashtë një lokali në New York.
Sky News raporton se 26-vjeçari kishte performuar në Manhattan dhe pas shfaqjes u sulmua nga persona të panjohur.
Menaxheri i tij John Dawkins, u shpreh në një deklaratë se Grennan është nën kujdesin e mjekëve pasi ka çarë daullen e veshit dhe ka probleme me nofullën.
“Tom është në spital nën kujdesin e mjekëve për lëndimet e tij, të cilat përfshijnë probleme me veshin, ka çarje të daulles dhe një problem me nofullën e tij të thyer më parë.
Pavarësisht kësaj ai është në gjendje të mirë shpirtërore, por duhet të rikuperohet përkohësisht ndërsa mjekët vlerësojnë aftësinë e tij për të vazhduar me turneun e tij“- tha Dawkins.
