Ambasada amerikane në vend ka uruar të gjithë besimtarët katolikë për festën e Pashkëve.
Në mesazhin e shpërndarë përmes rrjeteve sociale, ambasada uron shqiptarët për këtë festë duke e cilësuar ditë të shenjtë dhe që të sjellë gëzim e shpresë për çdo familje.
“Nga komuniteti ynë tek komunitetet dhe familjet tuaja, i urojmë Gëzuar Pashkët të gjithëve atyre në Shqipëri që festojnë këtë ditë!
Sjelltë kjo ditë e shenjtë gëzim, paqe dhe shpresë për ju dhe familjet tuaja!”, shkruan ambasada.
