Pas arrestimeve në doganën e Morinës, SPAK ka zhvilluar një aksion në pikën kufitare të Vlorës, ku janë arrestuar 4 persona mes tyre një doganier.
Mësohet se operacioni i policisë ka zgjatur rreth 60 minuta, ndërsa janë kryer kontrolle edhe brenda doganës.
Policia ka ndaluar kamionë në doganë, që nga pesha ka rezultuar mbi kapacitetet e përcaktuara.
Deri më tani raportohen disa të shoqëruar në policinë e Vlorës të cilët kishin detyra të ndryshme.
Mësohet se policia ka marrë informacione në rrugë operative dhe kanë shkuar mbi 15 efektivë të veshur civilë dhe me makina të pa loguara për të fshehur identitetin e tyre.
Shoqërimet janë bërë për shkak se ka kaluar një kamion me mallra kontrabandë pa u raportuar. dhe kamioni është bllokuar tashmë.
Kamioni ka pasur mallra me shumë në ngarkesë seç është raportuar. Po hetohet kush nga punonjësit qe kane pasur turnin ka neglizhuar detyrën dhe ka lejuar kamionin të kalojë.
Policia po merr të shoqëruarit në pyetje teksa po mbledh të gjitha provat në vendin e ngjarjes.
