Ish-kryeministri Sali Berisha u shpreh këtë të Premte se Edi Rama synon përçarjen e PD në dy parti. Por, shtoi ai, nuk do ia arrijë këtij qëllimi.
“Qëllimi i Ramës është të krijohen dy PD, por ka dështuar dhe do dështojë në mënyrë të përsëritur”, u shpreh Berisha në një prononcim për mediat këtë të Premte nga selia blu.
Berisha tha se po ushtrohet presion në gjykatën e Tiranës, pas vendimit që njohu Kuvendin e 11 Dhjetor 2021.
“Vazhdojnë përpjektë e Ramës përmes pengut të tij për të mbajtur peng PD përmes procedurave antiligjore të padive pa asnjë bazë ligjore, por këto janë të destinuara të dështojnë. Shfrytëzoj rastin të dënoj me ashpërsinë më të madhe presionet e tmerrshme që po bëhen mbi gjykatën e Tiranës për të imponuar qëndrime dhe praktika antiligjore”, tha Berisha.
Ai deklaroi se Enkeljed Alibeaj që ka bërë ankimin dhe Lulzim Basha janë “fasada” të kryeministrit Edi Rama. Berisha u shpreh se “ankimi pa qenë palë është joligjor”.
Lexo edhe:
Propozimet e Alibeajt, Berisha: Ai është fasadë e Ramës
Berisha: Kongresi i PS si ai i Cosa Nostra-s, prapaskenat pse e thirri Rama
