Nën drejtimin e Karl Heinz Rummenigge, Bayern Munchen arriti të fitonte gjithçka në Gjermani dhe në Europë dhe tashmë ish Shefi i bavarezëve po shijon futbollin si tifoz.
Për eliminimin nga Championsi, legjenda gjermane e futbollit ka dy fjalë për drejtuesit por nuk e bën hapur për të mos e bërë më të vështirë situatën.
“Nuk dua të hedh benzinë në zjarr por mendoj se për Kahn dhe për të gjithë tifozët ishte një nga zhgënjimet më të mëdha, ishte si një goditje me thikë në zemër. Ky eliminim do të ketë ndikim në shumë gjëra, financat, imazhin e klubit por edhe në bisedimet me lojtarët për rinovimet e kontratave. Nuk është çështja se nuk kemi kualitet, janë 18 lojtarë që do të shkojnë në Kupën e Botës. Kjo humbje erdhi në momentin më të keq të mundshëm. Nëse do të mund t’i jepja klubit një këshillë, dhe kjo vlen për futbollin në përgjithësi, do të ishte që të gjithë në klub duhet të kujdesen për veten e tyre, fuqitë e tyre janë të kufizuara. Gjërat si zgjatjet e kontratave janë çështje e bordit të drejtorëve dhe bordit mbikëqyrës”, u shpreh Rummenigge duke hedhur shigjeta ndaj Salihamidziç ndoshta.
Por në intervistën e tij, ish drejtuesi i Bayernit ka edhe për Barcelonën për të cilët shprehet se është shembulli më i keq për t’u marrë nga klubet.
“Bayern Munich ka qenë gjithmonë i famshëm për të qenë një klub i virtytshëm dhe pa borxhe që nuk kishte nevojë të merrte hua. Nuk duhet të marrim si shembull Barcelonën, Bayerni e ka financuar gjithmonë seriozisht skuadrën”, përfundoi ai në intervistën e tij për Kicker.
