Tre shtetas shqiptar janë shpallur fajtorë në Britaninë e Madhe nën akuzën se rrëmbyen dhe përdhunuan në grup një grua, në ditët e para të festave të mëdha pas heqjes së masave antiCovid.
23-vjeçarja kishte dalë për një darkë me një mikeshë dhe më pas shkoi në klubin e natës Vogue në Bedford High Street. Ato u përpoqën të largoheshin nga klubi në orët e para të 4 shtatorit të vitit të kaluar, por u ndanë për të shmangur një grup burrash që ziheshin në rrugë.
Ndërsa viktima po shkonte vetëm në shtëpi, ajo u kap nga Gemti Hyka dhe u fut në makinën e tij përpara se të çohej në një garazh dhe më pas në një shtëpi, ku ai dyshohet se e përdhunoi.
Dy miqtë e tij, Vullnet Haka dhe Ibrahim Bezati, mbërritën më vonë në banesë, ku përdhunuan dhe e detyruan 23 vjeçaren të merrte kokainë.
Pas këtyre dëshmive tronditëse Hyka u shpall fajtor për rrëmbim, dy akuza për përdhunim. Ndërsa dy shqiptarë të tjerë Vullnet Haka dhe Ibrahim Bezati, gjithashtu u shpallën fajtorë nga Gjykata e Luton për përdhunim dhe pritet të marrin një dënim të rëndë.
Gemti Hyka, nga Cambridge Road, Bedford, i tha jurisë se viktima pranoi të bënte seks me vullnet të plotë. “Ajo kurrë nuk qau kur ishte me mua. Nuk e kam bërë kurrë. Unë nuk jam përdhunues”.
