Deputeti socialist, Orlando Rakipi ka reaguar pas shpalljes “non grata” nga SHBA të babait të tij, Aqif Rakipi. Ky i fundit bashkë me Ylli Ndroqin, u përfshinë në listën e sanksioneve nga Departamenti amerikan i Thesarit.
Rakipi, në dokumentin e publikuar, akuzohet për lidhjet me grupet kriminale.
Por djali i tij, deputeti socialist Orlando Rakipi, në një reagim thotë se babai i tij është super i pastër dhe nuk ka lidhje me grupet kriminale.
“Unë lajmin e kam marrë vesh përmes televizorit. Kam lindur në demokraci. Jam pro amerikan. Babai im po ashtu. Nuk di çfarë është ai lloj vendimi. Nuk na ka ndodhur kurrë ajo gjë në familjen tonë.
Babai im është super i pastër. Nuk kemi lidhje te ajo pjesë. Nuk e kuptoj atë kriminal. Jam i gatshëm të jap dorëheqjen. Babai im është super i pastër. Babai im edhe nga politika ka ikur për diçka skandaloze”, tha Rakipi.
