Dino Majko, 29 vjeç, u plagos me thikë në mes të një lokali mbrëmjen e djeshme në Sarandë, ndërsa autori Enivled Aliu, është shpallur në kërkim nga policia.
Mësohet se Aliu e ka qëlluar Majkon 6 herë me thikë duke i shkaktuar plagë të rënda, ndërsa ngjarja ka ndodhur në sy të klientëve të tjerë që ndodheshin aty.
I riu fillimisht është dërguar në spitalin e Sarandës, ndërsa më pas është dërguar drejt Tiranës, ku ndodhet në gjendje të rëndë.
Nuk dihet ende se në çfarë rrethanash ka ndodhur ngjarja, ndërsa policia është në kërkim të zbardhjes së ngjarjes dhe arrestimin e autorit.
Njoftimi i policisë:
Në datën 09.04.2022, në lagjen nr.1, Sarandë, shtetasi E. A., ka goditur me mjet prerës (thikë), shtetasin D. M., 29 vjeç, banues në Sarandë , i cili ndodhet në spitalin e Sarandës, nën kujdesin e mjekëve.
Shërbimet e Policisë po krehin zonën për të bëre të mundur kapjen e autorit.
Grupi hetimor ndodhet në vendngjarje dhe po punon për sqarimin e rrethanave të ngjarjes.
