Pas humbjes me Interin, Juventusi reagon menjëherë duke marrë 3 pikë të rëndësishme në transfertën me Cagliarin. Këta të fundit po luftojnë për mbijetesë dhe ja bënë të vështirë takimin bardhezinjve teksa kaluan të parët në avantazh me sulmuesin italo-brazilian, Joao Pedro.
Miqtë gjejnë shpejt barazimin me Pellegrini por që anulohet duke shkaktuar jo pak polemika pasi ka dyshime. Gjithsesi De Ligt vendos barazpeshën në 45’ për të kthyer qetësinë te Allegri.
Në fraksionin e dytë të ndeshjes u duk qartë superioriteti i Juventusit që insistoi shumë dhe ishte Dusan Vlahoviç që rikthehet te goli ai që shpëton “Zonjën e Vjetër” me rrjetën në 75’. Një çlirim për të dhe Allegrin që sheh bomberin e tij të rigjejë golin ndërsa Juventusin që fiton dhe rinis luftën për titullin.
