Nga Sherefedin Shehu
Sot mësuam se çështja më kritike për të cilën Kryeministri duhet të konsultohej me qytetaret qenka kultivimi i kanabisit.
Dhe si për çudi Kryeministri doli dhe na tha se ky paska qenë edhe shqetësimi i qytetarëve mbasi në përgjigjet e tyre ata i paskan thënë vazhdo dhe mbille sa më shpejt.
Por Kryeminsitri nuk na dha asnjë evidencë se kush dhe si u përgjigj. Pra, vetë i tha dhe vetë i shkroi përgjigjet e qytetarëve.
Megjithatë, Kryeminsitri na dha një statistikë që na lejon ti themi se “po ja fut kot plako” sepse sipas të dhënave të tua të kanë këshilluar vetëm 30% e votuesve faktikë dhe më pak se 15% e qytetarëve me të drejtë vote.
Pra vullneti i pakicës po shitet sikur të ishte vullneti i shumicës. Njëkohësisht me këto statastika Kryeminstri i nxorri bojën vetes sepse:
1. Na konfirmoi atë që thotë artisti Sandër Prosi tek filmi ”Gjeneral Gramafoni”: “O popull, sa shumë gjëra bëhen nën emrin tënd, bile edhe naltmadhnija flet nën emrin tënd”.
2. Nëse qytetarët do ta besonin dhe këshillonin Qeverinë atëherë nuk kishte arsye që të braktisin Shqipërinë, dhe
3. Sipas institucioneve financiare dhe partnerëve ndërkombëtarë Qeveria jonë:
a. Është ndër më të korruptuarat dhe se korrupsioni në Shqipëri po mban peng rritjen ekonomike.
b. Na ka lënë prapa vendeve te tjera në përmbushjen e standarteve ekonomike të anëtarësimit në BE.
c. Na ka bërë të paguarit më pak në Europë;
d. Ka rritur nivelin e varfërise dhe ulur mbrojtjen sociale – në vitin 2021varfëria në Shqipëri ishte 31% ndërsa në Kosovë ishtë 21% dhe në Maqedoninë e Veriut, Serbi dhe Mal të Zi rreth 17%.
e. Ka rritur PPP -të në 50% të Produktit të Brendshëm Bruto (PBB) kundrejt 33% që ishin në 2018.
f. Ka dhënë mbështetjen më të ulët për COVID-19 dhe rritur borxhin 10 herë më shumë;
g. Deklaroi se e filloi e para vaksinimin për Covid-19 por rezultojmë të fundit për nivelin e vaksinimit;
h. Deklaroi se jemi vendi me më pak humbje jete nga Covid -19 por rezultojmë me numrin më të lartë të tyre.
