Ralf Rangnick nuk do të konfirmohet në krye të skuadrës angleze për sezonin tjetër edhe pse ka një klauzolë për ta zgjatur bashkëpunimin.
Te “Djajtë e Kuq” tashmë po mendojnë të ndërtojnë diçka nga e para me një trajner të ri dhe filozofi të re, mundësisht sulmuese.
Ideali për atë që kërkojnë drejtuesit e United është Erik ten Hag i cili tashmë është zgjedhur prej tyre si trajneri i ardhshëm për ekipin.
Ky i fundit ka mposhtur kandidaturën e Pochetinos i cili shihej si kandidat potencial gjithashtu teksa te Man. United ka patur bisedime formale me Ajaxin për të paguar klauzolën e largimit të Ten Hag.
Besohet se afro 3 mln Euro kërkon Ajaxi për të lënë të lire trajnerin që firmosi rinovimin në verën e kaluar dhe këtu përfshihen edhe largimet nga stafi i trajnerit.
Te Man. United besojnë shumë te Ten Hag me të cilin mund të hapin një cikël të ri fitues pas shumë vite vuajtjesh.
