Benfika dhe Liverpul luajnë sot ndeshjen e parë çerekfinale mes tyre në tokën luzitane, me “The Reds” që do të synojë ta sigurojë vendin në gjysmëfinale që në takimin e sotëm.
Jurgen Klop nuk është kursyer në zgjedhjet e formacionit të parë, ku ka rreshtuar zgjedhjet e para të pozicioneve respektive. Treshja e sulmit Salah-Mane-Diaz, pritet të përcjelli shpejtësi dhe dinamizëm në lojën e ekipit, në kërkim të golave në këtë takim.
Nga ana tjetër tekniku i luzitanëve i ka besuar kualitetit në mesfushë me rreshtimin e lojtarëve si Tarabt, Rafa Silva dhe Everton, në mbështetje të sulmit të formuar nga Gonçalo Ramos dhe surpriza e sezonit për Benfikën, Nunjez.
