“Ngjarje tragjike që ngjitet në kufijtë e vrasjes shtetërore”. Kështu e cilëson Komisioni i Rithemelimit ndodhinë e mbrëmjes së të Shtunës në komisariatin 5 në Kamëz, ku një i arrestuar që ndodhej në paraburgim, humbi jenë pas përfshirjes së ambienteve nga zjarri.
Në një njoftim zyrtar, komisioni ngre dyshime se efektivët janë reaguar me vonesë pasi ishin duke parë miqësoren Spanjë-Shqipëri.
“26 vjeçari nga Kamza, Arben Mici, vdiq tragjikisht ne dhomat e paraburgimit ne Komisariatin nr. 5, Kamez, i djegur ose i asfiksuar nga renia e zjarrit ne kete komisariat! Ndonese Avokati i Popullit ka rekomanduar mbylljen urgjente te dhomave te izolimit ne kete komisariat pasi kushtet jane çnjerzore, askush nuk ka zbatuar rekomandimet e ketij institucioni. Te gjitha te dhenat flasin se ne kohen qe zjarri i merrte jeten te riut, policet kane qene duke pare ndeshjen Spanje-Shqiperi dhe reagimi i tyre ka qene i teper vonuar. Partia Demokratike deklaron se pergjegjesi direkte per kete vdekje tragjike nga zjarri i te riut ne dhomat e izolimit ka Ministria e Brendshme dhe Komisariati Nr 5 i Kamzes”, thuhet në reagim.
Komisioni kërkon dorëheqjen e ministrit të Brendshëm dhe hetim nga autoritetet për ngjarjen.
“Ne nje vend normal nje minister mund te jape doreheqjen vetem per shkak te nje udhetimi te pajustifikuar, ndersa ne Shqiperi ministri i Brendshem nuk jep doreheqjen edhe kur humbasin jeten individe brenda institucioneve te kontrolluara prej tij. Partia Demokratike i shpreh ngushellimet me te ndjera familjes se viktimes, e ndersa denon kete ngjarje te rende, kerkon vendosjen para pergjegjesise te autoreve te kesaj vrasjeje shteterore ne Komisariatin e Policise”, mbyllet reagimi.
