Kosova mori një fitore të rëndësishme në miqësore përballë Burkina Fasos me shifrat e thella 5-0, në stadiumin “Fadil Vokrri”.
Sfida nisi shumë mirë për vendasit, të cilët kaluan në avantazh me Alitin që në minutën e 3’. Sfida më pas foli vetëm për “Dardanët”, të cilët e bombarduan portën e mbrojtur nga Uedraogo.
Gjithashtu fantastik në këtë takim ishte dhe portieri vendas, Samir Ujkani, i cili përveç se priti një penallti, i mohoi dhe disa gola të sigurt miqve.
Kosova kështu e nis në mënyrën më të mirë të mundshme me trajnerin e saj të ri, Zhires.
