Policia e Kuçovës ka identifikuar dhe ka vënë në pranga autorët e aksidentit të një natë më parë, me një viktimë dhe një të lënduar rëndë.
Një prej të moshuarave që u aksidentua ndërroi jetë, kurse e moshuara tjetër është në gjendje të rëndë.
Dy adoleshentët që janë arrestuar për rastet janë A.Sado, 15 vjeç dhe E.Tafa, 17 vjeç.
Të dy, pasi kanë goditur të moshuarat, 72-vjeçaren File Ahmetin dhe 74-vjeçaren Leme Marra, janë larguar nga vendi i ngjarjes me shpejtësi.
Dy adoleshentët kanë deklaruar në polici se të moshuarat ua kanë prerë rrugën, që ishte pa drita dhe më tej të frikësuar kanë ikur me shpejtësi.
Ngjarja e rëndë ndodhi pasditen e djeshme në vendin e quajtur “Varrezat e Kuçovës”, ku një mjet aksidentoi dy të moshuarat.
Si pasojë e aksidentit, një nga të moshuarat ndërroi jetë në Spitalin Rajonal të Beratit, ndërsa e moshuara tjetër ndodhet te Trauma në Tiranë.
