Modelja Beniada Nishani ishte një nga konkurrentet më të dashura të “Big Brother VIP”, e cila fitoi menjëherë zemrat e publikut për shkak të vlerave që ajo përcollu në program.
Pas përfundimit të programit, Beniada ka komunikuar me ndjekësit e saj në rrjete sociale.
Një ndjekës e pyeti se cila ishte arsyeja pse ajo pranoi të ishte pjesë e formatit. Beniada është shprehur se e shfrytëzoi këtë përvojë që të përjetonte një moment të veçantë të jetës së saj, e të njihej nga publiku shqiptar.
“Sepse doja të jetoja një eksperiencë unike dhe të papërsëritshme, gjithmonë kam dashur të lë gjurmë në këtë jetë dhe BB VIP ishte e vetmja mënyrë për t’u bërë e njohur për publikun shqiptar. Për publikun e tokës time. Nuk më interesonte të bëhesha e famshme, por të lija një mesazh fuqie për brezat e rinj. Nuk e mendoja se do të shkoja në finale dhe kjo ishte fitorja ime personale.
Më pëlqen gjithçka që bëj sepse më bën të gjallë. Kjo eksperiencë më ka bërë më të fortë dhe sot jam më e sigurt për veten time”, ka shkruar ajo.
