Vlerësimet për ndeshjen e Barcelonës në “El Clasico” kundër Real Madridit, të cilën e fitoi me rezultatin e thellë 0-4, nuk vijnë vetëm nga brenda klubit katalanas, por edhe nga më tej.
Sulmuesi legjendar i Bayern Munich, Thomas Muller, ka reaguar në rrjetet sociale dhe ka përgëzuar Barçën për lojën e bërë në “Santiago Bernabeu”.
“Urime për Barcelonën! Ishte kënaqësi të shikoja këtë shfaqje të çmendur sonte.“- shkroi gjermani në llogarinë e tij në Twitter, duke shoqëruar këtë postim me dy ikona, njëra me një fytyrë që shkel syrin dhe tjetra me duartrokitje.
Në këtë mënyrë, Muller donte të shfaqte mendimin e tij kur pa transformimin që ka pësuar skuadra e Barcelonës vetëm tre muaj pas largimit nga Champions League, pas humbjes në Mynih ndaj Bayernit. Gjermani njihet edhe si makthi i Barçës në Champions, pasi u ka shënuar katalanasve tetë gola në shtatë ndeshje që është përballur me ta.
https://twitter.com/esmuellert_/status/1505668583610802183?ref_src=twsrc%5Etfw%7Ctwcamp%5Etweetembed%7Ctwterm%5E1505668583610802183%7Ctwgr%5E%7Ctwcon%5Es1_&ref_url=https%3A%2F%2Fwww.supersport.al%2Ffoto-makthi-i-barces-ne-champions-habit-reagimi-i-muller-pas-el-clasicos%2F
