Vijojnë kërkimet për gjetjen e dy trupave që humbën jetën aksidentalisht në ujërat e liqenit të Butrintit dhe lumit të Vjosës.
Shërbimet e Policisë së Vlorës në bashkëpunim me polumbaret e Forcës Renea dhe Policisë Kufitare, vijojnë kërkimet në Novoselë, në lumin e Vjosës për të gjetur trupin shtetasit të mbytur V.M. 22 vjeç, nga fshati Poro.
Kërkimet bëhen të veshtira për shkak të terrenit dhe motit të paqëndrueshëm që shkakton rryma të forta të ujit. Gjithashtu, Policia e Sarandës në bashkëpunim me grupin e polumbareve dhe Policisë Kufitare Sarandë, vijojnë kërkimet në liqenin e Butrintit për gjetjen e trupit të shtetasit të mbytur E.Sh. 48 vjeç, nga Ksamili.
Gjetja e trupit të pajetë, ende nuk është bërë i mundur për shkak të ujit të turbullt që ka liqeni nga reshjet e shiut. Policia e Vlorës kërkon mirëkuptimin e familjarëve të viktimave duke i garantuar se kërkimet do të vazhdojnë në mënyrë të pandërprerë deri në gjetjen dhe nxjerrjen e tyre nga uji.
