Një derbi nën shenjën e Romës. Verdhekuqtë janë dominues në duelin e kryeqytetit roman teksa fituan me meritë 3-0 për t’u hakmarrë për humbjen po 3-0 në fazën e parë ku Lazio arriti të triumfonte.
Pa Kumbullën në fushë por në krahun tjetër me Strakoshën dhe Hysajn titullarë, Abraham shënon pa shënuar ende 1 minutë lojë, saktësksisht 51 sekonda duke thyer një rekord që mbahej shumë vite përpara.
Lazio mbetet e shokuar teksa Roma arrin edhe të shënojë golin e dytë teksa Karsdorp shkëputet nga krahët dhe jep një top në zone duke gjetur vetëm sërish Abraham që realizon dopietë.
Ende pa e marrë veten mirë Lazio, Roma gjen dhe golin e tretë që praktikisht mbyll derbin. Është një perlë e Pellegrinit nga goditje dënimi që Meriton të quhet dhe kryevepra e derbit që shkon në anën e Romës dhe të Mourinhos.
Pjesa e dytë është sa për statistikë pasi Lazio nuk arrin të hapë ndeshjen dhe në fund 3 pikë që për Romën vendi i pestë dhe 8 pikë larg Juventusit.
