Nikita Fedotov ishte pjesë e skuadrës së Montijos, por nga dita kur rusët sulmuan Ukrainën, ai ndodhet në frontin e luftës.
Fedotov është në qytetin ukrainas të Dnipro duke luftuar dhe mbrojtur vendin e tij, raporton Marca.
“Nuk ka shumë ushqim, por ka diçka. Problemi i madh që kemi është me benzinën”, shprehet lojtari, ndërsa shton se “ne mendojmë vetëm të fitojmë dhe të mbrojmë vendin tonë çdo ditë. Njerëzit janë të lodhur, nga bombardimet gjatë gjithë kohës dhe pjesa tjetër, për ta është shumë e vështirë”.
“Jeta ime ka ndryshuar shumë shpejt, tani gjithçka është ndryshe.
Ka shumë rusë të vdekur, tani ata e kuptojnë se çfarë po bëjnë gabim. Unë mendoj se presidenti i tyre ka probleme në kokën e tij”, shton Fedotov, sipas të cilit opsioni i vetëm që kanë ukrainasit është të mbrojnë familjet e tyre.
“Ëndrra ime është që kur të fitojmë të luaj përsëri futboll. Unë me të vërtetë dua të luaj përsëri”, shprehet ai.
