Kryeministri Edi Rama u shfaq sot në markete dhe furra buke duke kontrolluar çmimet. Rama paralajmëroi se ata që do të aplikojnë çmime të ndryshme nga ato që përcaktojnë bordet që ai ka ngritur do të penalizohen.
Shfaqjet e Ramës sot si kontrollor çmimesh i ngjanin atyre inspektimeve që ai bënte mbi një vit më parë, kur dilte në rrugë me një shpurë policësh, dhe shikonte a mbanin maska qytetarët apo jo. Edhe sot Rama bëri të njëjtën gjë, por me një dallim, që shoqërohej nga ministrja e Financave, dhe jo nga Drejtori i Përgjithshëm i Policisë.
Gjithsesi pamjet që Rama sot shfaqi në rrjetet sociale janë pothuajse identike me ato që publikon diktatori i Koresë së Veriut, Kim Jong-un, apo ish-diktatori rumun, Nicola Çaushesku, i pushkatuar në revolucionin që rumunët ndërmorën për përmbysjen e diktaturës.
