Lulzim Basha deklaroi këtë të Enjte se mbetet në dispozicion për të bërë gjithçka për hir të demokratëve dhe bashkimin e PD-së.
“E para e punës dua të them që jam mirënjohës për ndihmën që jep çdo anëtar i PPE për Partinë Demokratike, për demokratët. E dyta dhe më e rëndësishmja dhe që nuk është lajm për ju, por qe dua ta konfirmoj për të gjithë demokratët, që unë mbetem në dispozicion për të bërë gjithçka për hir të demokratëve për të bashkuar Partinë Demokratike”, tha Basha në një deklaratë nga oborri i selisë blu, pa pranuar pyetje nga gazetarët.
Më herët, është raportuar se Elmar Brok, ish-kryetar i Komisionit të Jashtëm të Parlamentit Europian ka mbërritur dje në Tiranë për të ndihmuar Bashën në përplasjen brenda PD-së.
