Grida Duma ka zbuluar për herë të parë “ultimatumin” që i është vendosur Lulzim Bashës, që të ikë nga posti i kryetarit të PD-së.
Në një deklaratë për mediat nga Elbasani, Duma tha se Basha ka kohë deri nesër që të largohet nga posti si kryetar i Partisë Demokratike.
Duma nënvizon se strategjia e vetme është ndërtimi i një komisioni të përbashkët të përbërë nga grupi parlamentar dhe ai Komisionit të Rithemelimit.
“PD nuk duhet të zvogëlohet dhe të dalë forcë e tretë, personat që i bën dëm PD-së duhet të tërhiqen pas. I kemi lënë kohë ditën e nesërme për të bërë hapat pas, sikundër dhe ai e ka kërkuar.
Nuk ka rrugë tjetër veçse të tërhiqet. Ka një strategji, e vetmja është e ndërtimit të një komisioni nga deputetet e grupit parlamentar dhe ata të Komisionit të Rithemelimit, të cilët duhet ta çojnë PD te procesi i zgjedhjeve”, u shpreh Duma.
