Është si Barcelona e kohëve të arta ekipi aktual nën urdhrat e Xavi Hernandez. Trajneri spanjoll ka rikthyer ADN-në e spektaklit dhe të fitores teksa katalanasit shënojnë dhe suksesin e pestë radhazi në La Liga, duke kërcënuar tashmë edhe vendin e tretë që mbahet nga Sevilla.
Me Dembele titullar edhe pse klubi nuk e dëshiron në ekip, francezi dhuron spektakël me 2 asiste në pjesën e parë ku sfida zgjidhet me 3 gola në këtë fraksion loje.
Fillimisht Ferran Torres me penallti në 14’ kaloi para Barçën ndërsa më pas Dembele dhuroi dy gola për Torres në 21’ sërish dhe Aubameyang në 27’.
Pjesa tjetër e ndeshjes është menaxhim dhe qarkullim topi nga katalanasit që në 75’ shënojnë dhe golin e katërt me Puig për ta mbyllur në mënyrën më të mirë ndeshjen.
