Partizani arriti të evitonte humbjen në minutat e fundit përballë Egnatias edhe pse ishte me dy lojtarë më pak. Një sfidë e çmendur ajo e zhvilluar në stadiumin “Elbasan Arena”.
Të kuqtë ishin me 9 lojtarë dhe në fund morën një barazim 2-2 me vlera por të “çmendur”.
Rrogozhinasit bëjnë një ndeshje impresionuese teksa që në 23 gjetën golin e avantazhit për ta mbyllur në avantazh fraksionin e parë.
Në të dytën ndodh gjithçka, pasi të kuqtë humbasin një penallti në 47’ me Malan por gjithsesi vendosin barazpeshën me Junior në 63’.
Kur pritej dhe përmbysja nga vendasit, Albion Marku prish gjithçka me një karton të dytë të verdhë duke lënë ekipin me 10 lojtarë.
Goli i jep force Egnatias që edhe pse rrezikon për të pësuar gol, arrin të shënojë në 88’ me anë të Ndriçim Shtupinës, i sapofutur në lojë.
Nuk mbaron me kaq sepse Partizani mbetet me 9 lojtarë pas një ndërhyrjeje të rëndë të Bitrit që gjithsesi nuk e pengoi ekipin e Mehmetit të sulmojë dhe në sekondat e fundit sërish me Stenio Junior gjen një barazim të pabesueshëm. 2-2 në fund, ndoshta një rezultat i merituar për të dyja ekipet.
