Rusia ka kërcënuar se çdo dërgesë ushtarake në Ukrainë do të shihet si ‘objektiv legjitim’ per tu goditur, duke nxitur frikën se mund të ketë një përshkallëzim të konfliktit me vendet e tjera.
Zëvendësministri i Jashtëm Sergei Ryabkov paralajmëroi SHBA-në “se pompimi i armëve nga një numër vendesh që ajo orkestron nuk është vetëm një veprim i rrezikshëm, por është një veprim që i bën ato kolona mjetesh objektiva legjitime te ushtrise ruse”.
Paralajmërimet erdhën pasi Joe Biden ndërhyri personalisht për të ndaluar një dërgesë të avionëve luftarakë polakë MiG në Kiev, nga frika se masa mund të çonte në “Luftën e Tretë Botërore”.
Por presidenti ukrainas, Volodymyr Zelensky e ka kritikuar Perëndimin për mosveprim, duke thënë sot se NATO nuk pati guxim.
Zelensky kërkoi më shumë përfshirje nga aleatët në negociatat e paqes dhe ofroi të paguante për më shumë sisteme anti-raketë. Si përgjigje, SHBA-ja bëri premtime për të ndërmarrë ‘hapa diplomatikë’ për të ndihmuar qeverinë ukrainase.
Zelensky, i cili pretendoi se 1,300 trupa ukrainase janë vrarë deri më tani dhe 500 rusë janë dorëzuar, gjithashtu tha se forcat e Putinit mund ta marrin Kievin vetëm nëse ata ‘rrafshojnë qytetin’, me trupat e Kremlinit që afrohen, citon lajmifundit.al.
Por duket se ka shenja përparimi të lehtë në negociatat me Rusine, ndersa Zelensky që tha se vendet ndërluftuese kanë filluar të diskutojnë propozime ‘konkrete’ në vend që thjesht të ‘shkëmbejnë ultimatume’, megjithëse ai tha se çdo negociatë duhet të fillojë me një armëpushim.
Putini nga ana tjeter mesohet se ka pasur një telefonate 75-minutëshe me presidentin francez Emmanuel Macron dhe kancelarin gjerman Olaf Scholz ku ka thene se Ukraina ishte fajtore për ‘raprezalje jashtëgjyqësore kundër disidentëve, marrjen peng të civilëve, përdorimin e tyre si mburoja njerëzore, dhe vendosje te armatimeve të rënda në zonat civile pranë spitaleve, shkollave e kopshteve.
Scholz dhe Macron iu lutën Putinit t’i jepte fund luftës dhe të ndalonte rrethimin brutal të Mariupolit, por një zyrtar francez tha se ai nuk tregoi ndonjë vullnet për të anuluar pushtimin.
Automjetet e blinduara ruse po përparojnë ende ngadalë në verilindje të Kievit pasi janë bllokuar për ditë të tëra dhe një aeroport ushtarak në jug të qytetit në Vasylkiv është goditur nga raketa, duke shkatërruar pistën, një depo karburanti dhe një depo municioni.
Pjesa më e madhe e forcave tokësore ruse janë tani rreth 15 milje nga qendra, por elementët e kolonës së madhe janë shpërndarë në një përpjekje për të rrethuar qytetin, pasi goditën periferitë veriperëndimore, duke përfshirë Irpin dhe Bucha.
Një kolonë tymi i zi i dendur u pa që ngrihej nga periferitë lindore të Kievit këtë mëngjes, por ende nuk ka asnjë shenjë të lëvizjes së forcave tokësore në periferi.
Por një ish -zyrtare e NATO -s tha se ajo është ‘skeptike’ se forcat ruse do të ‘fitojnë shumë sukses’ nga një sulm i pritshëm brutal i Kievit , pasi ukrainasit e paralajmëruan Putinin të përgatitej për betejën e tij të Stalingradit.
Ish-zëvendës sekretarja e përgjithshme Rose Gottemoeller thotë se ajo beson se taktikat aktuale tregojnë një shenjë dobësie nga forcat e Putinit, duke thënë se ajo është ‘skeptike’ për çdo sukses në kryeqytet.
