Kryeministri Edi Rama prezantoi këtë të Shtunë një paketë sociale pas protestave disa ditopre në vend, kundër rritjes së çmimeve.
Në një komunikim nga rrjeti social FB, Rama njoftoi se “kemi miratuar paketën e rezistencën sociale për të përballuar krizën e enrgjisë pa rritjen e çmimeve për familjet dhe biznesin e vogël dhe për të kompensuar goditjen e ccmimeve ndaj atyre që janë më pak të mboprjtur”.
Ai tha se paketa përmban 7 pika.
“Do derdhim menjëherë 3.6 mln lekë për të indeksuar pensionet. Masa do reflektohet që në pensionet e radhës të 673 542 pensistëve”, tha Rama.
Ai shtoi se 434 mijë qytetarë dhe qytetare do kompensohen me lekë në dorë për rritjen e çmimeve të shportës. Ai tha se sipas INSTAT është 7 përind, ose 25 mijë lekë të vjetra. Qeveria, shtoi, do japë 30 mijë lekë të vjetra si kompensim për rritjen e çmimeve të shportës për pensionistët që marrin më pak se gjysma e pagës minimale, pensionistët që jetojnë vetëm apo me bashkëshortin/bashkëshorten, pensionistët e ivaliditetit, persona me aftësi të kufizuara dhe të gjitha familjet që janë në skemën e ndihmës ekonomike. “Pra 44 mijë përfitues për 3 muaj do marrin 90 mijë lekë, 30 mijë lekë çdo muaj”, shpjegoi.
Kryeministri u shpreh se do ketë mbështetje për fermerët me naftë pa taksa, si sipas tij, do shkojë 14 mln dollarë “që do derdhet menjëherë”. “Fermerët e republikës së Shqipërisë e kanë naftën pa taksa, mund të rritet sa të dojë çmimi, taksat ata si paguajnë, e para. E dyta kjo bëhet mbi bazën e regjistrimit të nipitit dhe kritereve minimale. E treta jemi gati ti mbulojmë gjithë fermerët që janë në punë dhe i kanë ndryshuar fytyrën bujqësisë shqiptare, që duket në pasqyrën e ekspertit”, tha Rama.
Ai shtoi se qeveria do mbështesë gjithë shqiptarët që përdorin linjat urbane e ndërqytetëse. Rama tha se do alokohet 500 mln Lekë që të paguhet çmimi i biletës që asnjë udhëtar të mos preket nga rritja e çmimit.
Ai tha se afati i parashikuar për uljen e taksimit mbi pagat do afrohet. “Do ta sjellim dy muaj para futjen e ligjit për zerimin e taksën mbi pagat deri 400 mijë lekë të vjetra dhe përgjysmim deri në 500 mijë lekë të vjetra dhe uljen e taksës nga 1.5 në 2 mln lekë të vjetra. 56 përqind e atyre që në Shqipëri jetojnë me punë dhe paguhen me pagë do paguajnë 0 taksë mbi pagën dhe s’janë të gjithë që marrin 300 mijë lekë dhe aq s’do marrin më”, tha Rama.
Ai paralajmëroi se 320 të vjetra do jetë paga minimale dhe do aplikohet nga muaji Prill.
Energjia është pika më e nxehtë e fronit, shtoi, duke u shprehur se do alokohen dhe “20 mln të tjera financim mburojë së energjisë që familjet dhe bizneset e vogla të paguajnë sikurse s’ka ndodhur asgjë”.
