Finalistja e “Big Brother Vip Albania”, Einxhel Shkira ka folur për lidhjen e saj me Dagz-in, dashuria e të cilëve lindi në shtëpinë më të famshme në Shqipëri.
Gjatë një interviste për emisionin “Pardon My French”, Einxhel tregoi se ka blerë një shtëpi me Dagz-in në Prishtinë.
“Ne kemi blerë një shtëpi në Prishtinë. Akoma nuk e kam takuar dhe nuk kam ngrënë nga gatimet e saj, por di që gatuan shum mirë, sepse kur kemi qenë brenda në ‘Big Brother’ për Vitin e Ri na kanë sjellë gatime familjarët dhe e ëma e Dagz kishte sjellë gatimet e veta.
Ndonjëherë mendoj që është shumë gjë e mirë që ne të dy jemi njohur aty brenda, sepse jashtë do ishte më e veshtirë me këtë tipin tim”, tha Einxhel.
Einxhel zbuloi gjithashtu edhe arsyen se pse nuk donte të lidhej me DJ Dagz-in që në fillim.
“Personi që do penalizohej më shumë nga kjo lidhje ishte Dagz dhe kjo ndodhi. Shtëpia nuk e kishte nominuar kurrë deri kur u lidh me mua… Banorët mendojnë që kur këta janë bashkë, e bëjnë lojën dyshe”, tha ajo.
