Ish-ministri Ylli Manjani ka reaguar sot ashpër lidhur me deklaratat e kryeministrirt Rama.
Në një konferencë për shtyp Rama foli mbi rritjen e çmimit të naftës dhe masat që do merren për menaxhimin e kësaj situate.
Në një postim në rrjetin e tij social Manjani shkruan se nuk pret që Rama të ndërgjegjësohet me shqetësimin e qytetarëve për sa kohë ai vetë nuk ka patur kurrë një makinë.
‘’Ai nuk e di se si nxirren lekët për të paguar naftën te karburanti. Ne presim që pikërisht ky, që se njeh këtë pjesë të jetës së përditshme, të kuptojë përse protestojnë njerëzit për naftën!!! Edi Rama kujton se makinat furnizohen me naftë në FB, siç furnizon njerëzit me propagandë’’,- shkruan ai në ‘’Facebook’’.
Manjani gjithashtu i kërkon kryeminstrit që t’i japë llogari shqiptarëve për makinat luksoze më të cilat lëviz por që nuk i paguan.
Postimi i plotë;
Edi Rama nuk e ka haberin se si mbushet makina me karburant.
Kurrë në jetën e tij nuk ka shkuar të furnizojë makinën.
Në fakt ai ska patur kurrë në jetën e tij një makinë të veten për familjen apo për punë. As nuk di ta ngasë makinën.
Ai nuk e di se si nxirren lekët për të paguar naftën te karburanti.
Ne presim që pikërisht ky, që se njeh këtë pjesë të jetës së përditshme, të kuptojë përse protestojnë njerëzit për naftën!!!
Edi Rama kujton se makinat furnizohen me naftë në FB, siç furnizon njerëzit me propagandë…
Ah po, ka mësuar ca marka makinash që i përdor për të intimiduar ata me të cilët kërleshet në FB. Por akoma nuk ka dhënë spjegime për autoveturën superluks me të cilën udhëton vetë.
Sa litra karburant i kushton taksave të atyre që i paguajnë tek nafta e rritur?!!
Meqë përmend X5 e protestuesve, jep njëherë llogari për super XXX-et që shëtit vetë e që si paguan nga xhepi, o zotni!!!
