Deputeti Dashamir Shehi e konsideron si diçka pozitive debatin në Partinë Demokratike, ndërsa theksoi se duhet një riformatim të opozitës shqiptare.
“Mendoj se duhet të bëhet diçka si në vitet ´90, nga e majta e moderuar deri te konservatorët, duhet të ketë një riorganizim të ri.
Duhet një debat politik, jo të degradojë se kush është më i gjati dhe kush më i shkurtri. Unë në atë parti kam qenë dhe s´ka pas debate, tani dikush mund ta quajë shtëpia e lirisë, por aty liri nuk ka pasur. Mendoj se duhet të kemi një riorganizim total të opozitës, të së djathtës. E kam thënë që pas zgjedhjeve të 25 prillit, duhet të kemi një proces riorganizimi, duhet që të kthejmë besimin e shqiptarëve pikërisht te opozita”, tha Shehi.
