Sot u luajtën dy ndeshje të fazës së 1/16-ve të Europa League. Betis që po bën nje sezon fantastik deri ne këto momente në La Liga dhe në Europë, humbi përballjen e parë në shtëpi me Eintracht Frankfurt.
Gjermanët ishin shumë të rrezikshëm në pjesën e parë ku u vendos gjithçka dhe me Kostiç në 14’ kaluan të parët në avantazh për të barazuar Fekir në 30’. Pa u mbyllur fraksioni i parë i ndeshjes, Kamada në 33’ shënoi të dytin për miqtë ndërsa Betis ishte me fat në 52’ pasi Borre humbi një penallti për Eintracht Frankfurt.
Në duelin tjetër, Porto u dorëzua përballë Lyonit në “Oporto” në duelin e parë. Në një ndeshje shumë të luftuar dhe me emocione, fati i takimit u vendos nga braziliani Paqueta me një gol në 53’ teksa vendasit morën dhe një penallti e anuluar më pas nga VAR.
Me gjithë përpjekjet e Portos, Lyoni u mbrojt mirë dhe e menaxhoi rezultatin deri në fund duke u larguar me një fitore tepër të rëndësishme.
