Debatet të forta po zhvillohen në mbledhjen e Grupit Parlamentar të PD, ku duket se Lulzim Basha ka humbur përfundimisht kontrollin, edhe mbi deputetët që i konsideronte besnikë, dhe qv i kanë qëndruar në krah deri ditën e djeshme, kur kandidatët e caktuar prej tij për kryebashkiakë dolën të 3-ët.
Grida Duma, Kasem Mahmutaj, Elda Hoti dhe Ramadan Lika i janë bashkuar deputetëve që kërkojnë dorëheqjen e Bashës, në mënyrë që ti hapet rruga riorganizimit dhe ringritjes së PD. Madje Bashës i është thënë që kjo situatë zgjidhet vetëm përmes votës. Duma e ka pyetur Bashën nëse ndjen ndonjë përgjegjësi për humbjen, ndërsa shtoi se “nuk mund të ecet o ti në krye të PD ose askushi”.
Debatet
Grida Duma: Nese doni te jeni i sinqerte beni pyetjen troc: Ka dy pyetje te mundshme qe mund te na besh e para:
Ju lutem behuni me mua te gjithe qe une te mbaj Partine Demokratike se keshtu dua une si individ. Tani para se te na drejtohesh ne me pyetje kam yne nje pyetje per ty: A ndjen ti kryetar pergjegjesi morale personale per kete humbje?!
Lideri ne nje parti politike eshte 90 % dhe numrat dy tre apo 27 cfaredo te bejne nuk e zevendesojne dot as permiresojne dot liderin. Degjova qe e niset fjalen tuaj kryetar duke thene ose me mua ose ketu do tju vije Sali Berisha. Sali Berisha duke dashur tju munde ju, mundi Partine Demokratike. Ne kete gare per shkak te luftes midis Sali Berishes dhe jush humbi Partia Demokratike. Ne kete beteje ne beme gjithcka te mos e benim betejen Berisha kunder Bashes por nuk e evituam dot. Ju thoni sot ketu “o te jem une ose ketu do jete Sali Berisha” pra o une o askush nuk mundet. Cka do te thote qe kulti i individit qe po luftojme eshte ende me i rrenjosur. Nese doni te jeni i sinqerte vertete ju keni humbur shume beteja, dhe nga ky pranim nis zgjidhja.
Pyetja tjeter eshte: Si do bejme qe pertej teje te ngreme Partine Demokratike per vete Partine Demokratike. Cilen pyetje po na drejtoni te paren apo te dyten? Kjo gare u be PD kunder PD dhe kjo nuk eshte ne asnje moment e pranueshme me.
Ramadan Lika: Z.Basha une ste kam kerkuar kurre gje dhe te kam kthyer Koplikun si fitues. Jam gati te dorezoj mandatin. Duhet zgjidhje, thua qe skena humb, si nuk kena humb ne jemi shkaterru. Sduhet te dalim pa vendim qe ketu.
Kasem Mahmutaj: Duhet nje gare e hapur, te gjejme kush e bashkon nepermjet zgjedhjeve! Ne mund te flasim gjithe naten por ketij debati zgjidhje i jep vota!
Elda Hoti: Duhet guxim, kemi turp nga familjaret. Dua te te tregoj realitetin, te kam thene gezoj respekt per ty dhe do te mbeshtes por tani po vihet ne diskutim dinjiteti. Nuk te pranojne!
