Voltana Ademi, kryebashkiakja në detyrë e Shkodrës, iu bëri thirrje qytetarëve shkodranë që të dalin e të votojnë duke ushtruar të drejtën e tyre.
Ajo u pyet edhe në lidhje me anulimin e votimit në dy njësitë Shosh dhe Pult, për të cilat tha se i ka dërguar 6 kërkesa KQZ që votimi të bëhej në vend tjetër, por kjo gjë nuk u mor parasysh.
“Ju them qytetarëve të Shkodrës të votojnë, të gjithë atyre që e kanë këtë të drejtë, tu drejtohen qendrave të votimit, të ushtrojnë të drejtën kushtetuese. Është një mundësi që neve na jepet. Qendrat do të jenë deri në orën 19”, tha ajo.
Lidhur me pjesëmarrjen e ulët në votime, Ademi tha se moti ka ndikuar në proces. “Duhet të presim, janë edhe 3 orë që nga mbyllja e votimit, më vonë do kemi një informacion të qartë”, tha ajo.
