Presidenti i Turqisë, Rexhep Tayip Erdogan telefonoi presidentin rus, Vladimir Putin këtë të dielë. Në fokus të bisedës ishte lufta në Ukrainë dhe kërkesa e Erdogan që Putin të ndalojë luftën. Sakaq, në një tjetë zhvillim, që raportohet nga agjencia shtetërore e lajmeve, RIA, dhe citohet një ambasador rus në Kombet e Bashkuara, thuhet se Rusia mirëpret propozimin që ministrat rusë dhe ukrainas të zhvillojnë bisedime në Turqi javën e ardhshme. Presidenti turk, Recep Tayyip Erdogan ka biseduar me telefon me presidentin rus, Vladimir Putin.
Genadi Gatilov tha se ideja e Turqisë ishte e mirë.
Nesër pritet një raund i tretë bisedimesh mes Ukrainës dhe Rusisë, por ende negociatat nuk kanë përparuar. Edhe pse u dakordësua një armëpushim në raundin e dytë për të lejuar kalimin e civilëve, ende nuk janë larguar 200 mijë qytetarët që jetojnë në zonat pranë bombardimeve.
Lajmi vjen pas luftës që ka nisur në Ukrainë më 24 shkurt, kur presidenti rus Vladimir Putin shpalli “operacionin special” që nënkupton pushtimin e Ukrainës. Rusët kanë sulmuar me raketa dhe ushtri qytetet kryesore ndërsa rreth 1.3 milionë ukrainasë kanë lënë shtëpitë e tyre. Çështja është depozituar edhe në gjykatën e Hagës, ku pritet të shqyrtohet më 7 dhe 8 mars.
