Tirana dhe Partizani luajnë sot derbin e kryeqytetit. Në 19:45 në “Air Albania”, dy skuadrat do diskutojnë mes tyre sfidën e javës së 24 në Superligë. Në një stadium ku priten afro 20 mijë tifozë, lojtarët në fushë do kenë përgjegjësinë e spektaklit.
Për këtë duel, kompanitë e basteve ndërkombëtare kanë dalë edhe me koeficientët përkatës. Fitorja e Tiranës kuotohet me 2.05, ndërsa ajo e Partizanit me 3.75. Barazimi në këtë duel vlen 3.08. Dukshëm bardheblutë kryesues janë më të favorizuar në këtë sfidë.
Pas 23 javësh të luajtura, Tirana mban vendin e parë me 52 pikë, ndërsa Partizani me 33 pikë ndodhet në pozitën e 5-të.
