Ish-Kryeministri Sali Berisha përgjatë takimeve në Durrës, në kuadrin e zgjedhjeve të pjesshme vendore, ku në 6 mars do të votohet për kryebashkiak të 6 bashkive, ka akuzuar Luan Hotin, kandidatin e caktuar nga Lulzim Basha, si “monopolist”. Madje Berisha u shpreh se Hoti ka përfituar monopolin e shërbimeve të rimorkiatorëve në të gjitha portet e vendit, duke shkelur kështu programin e PD, që është kundër monopoleve.
Akuzat e Berishës janë cilësuar nga Hoti, por edhe nga Lulzim Basha, si përbaltje që i bëhet kandidatit të PD për Bashkinë e Durrësit.
Ndërkohë në rrjetet sociale është publikuar një tjetër denoncim, lidhur me një tjetër përfitim, për të cilin thuhet se i përket vëllait të Luan Hotit, ndërsa vendimi është marrë po nga Qeveria Rama.
Avokati Kujtim Cakrani shkruan në rrjet se Kujtim Hoti, vëllai i Luan Hotit, ka përfituar nga qeveria 450 mijë m2 tokë në zonën e Lagunës së Karavastasë për të zhvilluar biznesin ‘Agro Fish Hoti’.
Postimi i Avokatit Kujtim Cakrani
Shoqëria “Agro Fish Hoti” me pronar Kujtim Hoti nga Durrësi, sipas të dhënave është vëllai Luan Hotit kandidatit për kryetar bashkie Durrës i propozuar nga grupi deputetit Lulzim Basha.
Emri Kujtim Hotit nga Durrësi më doli përpara si përfitues i 450 dynym sipërfaqe toke të dhënë nga qeveria shqiptare në zonën e karavastasë re apo siç njihet ndryshe fshati Bedat bashkia Divjakë.
Kujtim Hoti me firmën e tij ‘Agro Fish’ përveç se ka zaptuar lumin e vjetër, duke mos lënë fshatarët e zonës të shfrytëzojnë burimet natyrore, tani ai në mënyrë kriminale po ju merr edhe tokat e tyre.
Pra rrënjët e kandidatit të klanit Basha për Durrësin duket se janë të thella me lidhje të forta në qeverinë putiniane të Edi Ramës.
Disponojmë kontratën e qerasë ndërmjet Ministrisë Bujqësisë dhe Agro Fish Hoti ku atij i jepet nga qeveria sipërfaqe e tokës prej 450 dylymësh për një afat 99 vjeçar.
