Presidenti rus Vladimir Putin ka nisur pushtimin e Ukrainës në javën e kaluar dhe pak ditë më pas ka vënë në përgatitje të veçantë forcat nukleare.
Si justifikim për këtë veprim, ai ka përmendur deklaratat dhe “veprimet agresive nga Perëndimi dhe NATO-ja”.
Ekspertët nuk janë të sigurt nëse Putin vërtetë do ta përdorte potencialin e tij nuklear, por të tjerët e kanë mohuar plotësisht mundësinë, pasi që dëmet do të ishin shkatërrimtare.
Megjithatë, çfarë do të ndodhte me botën sikur të përdoreshin armët nukleare?
Përveç qindra mijëra vdekjeve, pesë megatonë karboni i zi do të lirohej në atmosferë. Karboni i zi do të absorbonte nxehtësi nga dielli përpara se të arrinte në tokë, dhe një pjesë tjetër e tij do të binte në tokë me shiun.
Tingëllon keq, sepse do të shkaktonte ftohje të atmosferës.
Ndoshta, efekti i uljes të temperaturave do të ishte vetëm për pak gradë, por dëmet mund të jenë të mëdha.
Rënia e temperaturave në tokë do të prodhonte një efekt të dëmshëm te kulturat bujqësore.
Po ashtu, mbështjellësi i ozonit të Tokës do të varfërohej për 20 deri në 25 për qind. Djegia nga dielli dhe kanceri i lëkurës do të ishin kundër-veprime të shpeshta te njerëzit.
Pesë vite pas hedhjes së bombave nukleare, bota do të përballej ulje të sasisë së ushqimet, e madje edhe me uri në shumë rajone.
