Insistimit të gazetarëve nëse ka qenë në dije të akuzave të ministrit të shkarkuar të Drejtësisë, Ylli Manjani mbi qeverisjen e vendit dhe policisë së shtetit, Meta iu përgjigj duke thënë se çdo akuzë duhet të referohet dhe ndiqet nga organet e drejtësisë dhe jo të përdoret për ato që i quajti tymnaja politike.
Pyetje: A jua ka thënë Manjani shqetësimet e tij më herët?
Shqetësimet që unë mund të kem marrë kam kërkuar që gjithmonë të zgjidhen në rrugë institucionale. Kjo është rruga më e mirë që i zgjidh shqetësimet.
Meta tha se për akuza të tilla duhet të ndiqet rruga e drejtësisë dhe jo të hidhen tymnaja.
“Të hedhim sa më pak shashka…Jemi këtu për gjëra më madhore. LSI, dje foli qartë…Duhet të ndiqen rrugët e drejtësisë, jam për rrugët institucionale…aq më pak kur përfaqasojmë një institucion politik…Kjo është rruga e zgjidhjes…Ose do vazhdojmë pa asnjë zgjidhje…duke mos e konsoliduar shtetin ligjor. Sepse tymi e bën të pamundur këtë gjë…Kush del jashtë këtij mesazhi, konstruktiv sigurisht që ka përgjegjësinë e tij”, tha Meta.
