Milani dhe Interi luajtën ndeshjen e parë gjysmëfinale të Kupës së Italisë, duke mos shkuar më shumë se barazimi pa gola.
Edhe pse të dyja skuadrat provuan që të gjejnë golin, sidomos në pjesën e parë, akti i parë u mbyll pa “krisma”. Kuqezinjtë e Piolit u shfaqën më kërkues, duke prodhuar më shumë raste të rrezikshme shënimi. Në fund të duelit, faqja e specializuar e statistikave ka evidentuar edhe 2 futbollistët me performancën më të mirë.
Te Milani, lojtari më i vlerësuar rezulton Rafael Leao, i cili ka marrë notën 7.8, ndërkohë te zikaltërit, më i miri në fushë ishte Bastoni që është vlerësuar me notën 7.6.
