Ish-konkurrentja e Për’puthen, Sindi Loci, ka habitur me deklaratën e saj për presidentin rus Vladimir Putin. Ajo ka realizuar së fundmi një intervistë virtuale me ndjekësit e Instagramit, ku një fans i shkruan: “Ke shpirtin e Putinit. Atë përshtypje më lë”.
“Nuk e di se në çfarë aspekti po i referohesh por megjithatë edhe pse jam shumë kundra çfarë Putin ka bërë me Ukrainën, dua ta pranoj që kam një “adhurim” të veçantë për një person si Putin. Mendoj se është politikani më i zgjuar që kjo botë ka parë” , përgjigjet Sindi.
Në storyt pasardhëse deklrarata e ish-konkurrentes është kritikuar nga ndjekësit e tjerë të cilët e lidhin me luftën që po zhvillohet në Ukrainë.
“Ti flet për ngjarjen e fundit se të vjen keq, këtej përkrah Putinin. Pse?”, shkruan një ndjekës i saj.
Nga ana tjetër Sindi përgjigjet se ajo nuk e përkrah presidentin rus në luftën që po bën në Ukrainë, por thjesht ka një adhurim për zgjuarsinë e tij si politikan.
“Ju lutem mos keqinterpretoni fjalët që unë them. Une nuk e përkrah Putinin për asgjë që ai po bën me Ukrainën apo çdolloj krimi që ka marrë pjesë.. Unë them kam një adhurim për zgjuarsinë që ai ka sepse sipas opinionit tim ai është treguar shumë i zgjuar në situata të ndryshme që do më duhej 3 story ti thoja se e kam ndjekur goxha (jam e apasionuar mbas politikës). Dikush më shkruajti po ti përkrah Kosovën si thua Putini i zgjuar. Ku ishte Ukraina ku Kosova u sulmua?!!! Përkrahu Serbinë dhe Rusinë me trupa kundër Shqiptarëve të Kosovës… Akoma si njeh pavarsinë e Kosovës kështu që mos të hyjm në tema të thella se dalim nga kodra në breg me muhabet”, shkruan ajo.
