Nga Artan Fuga
Unë nuk di fare se çfarë bëhet në Federatën Shqiptare të Futbollit,
As nuk di fare se çfarë ka ndodhur në shoqatat rajonale,
As se çfarë mekanizmash bëjnë që një politikan, një drejtues futbolli, një deputet të rrinë dhjetë, njëzet vjet, tridhjet vjet në poste!
Por, unë nuk mundem kurrë të kuptoj juridikisht sesi një gjykim civil të shpalli paraprakisht pezullimin e zgjedhjeve në 2 mars në Federatën Shqiptare të Futbollit!
Gjykata mund të japë vendim ta zemë për zgjedhjet në Tiranë për futbollin! Sigurisht!
Por jo për atë që do të ndodhi në mbledhjen e asamblesë të futbollit në 2 mars!
Jo për gjë, por kurrë gjykata nuk mund të shpallë nul një fakt të ardhshëm! Eshtë kundër-kushtetues arsyetimi. Gjykata mundet sipas ndonjë padie në datën 3 mars të shpallë të pavlefshme zgjedhjet e 2 marsit në FSHF, por nuk mund t’i pezullojë paraprakisht!
Nuk mund të gjykosh diçka që nuk ka ndodhur! Nuk gjykon dot të ardhmen Gjykata!
Aq më shumë që një gjykatë të pezullojë nga detyra drejtues shoqatash, a ministrish, a kryeministrish, a presidencash! Për një ngjarje të ardhshme! Uaaaauuuuu!
Gjykimi bëhet mbi atë që ndodh, ka ndodhur, jo për atë që do të ndodhi!
Në kanë vjedhur vota, a kanë mashtruar të gjykohen pasi të merret vendimi !
Por pezullim – ku ka kodi penal të tillë dënim gjykate!
Si ta gjuash penalltinë nga pika e kornerit!
Iku edhe futbolli! U bë domino!
