Kategoria Superiore do të zbresë në fushën e lojës në mesjavë, ditën e mërkurë dhe të enjten janë rezervuar sfida “zjarr” që pritet të tregojnë shumë nga renditja dhe objektivat e skuadrave.
Ditën e mërkurë do të luhen dy takime interesante. Dueli i parë është ai mes Teutës dhe Tiranës që do të luhet në “Elbasan Arena”, në orën 16:45.
Nga “Elbasan Arena” në “Air Albania” do të luhet një përballje e luftuar mes Partizanit dhe Kukësit, një takim që pritet të dhurojë një “luftë” sportive mes skuadrave të cilat vitet e fundit i kanë dhënë gjithçka kampionatit shqiptarë.
Ndërkohë dita e enjte ka rezervuar 3 sfida të tjera. Në Kamëz ora 13:45 do të vihen përballë njëra-tjetrës Kastrioti dhe Skënderbeu, një takim mbijetese që 3 pikët janë shumë të rëndësishme.
Në të njëjtën në Laç do të luhet një tjetër përballje interesante, mes kurbinasve dhe Egnatias, me vendasit që kërkojnë të reagojnë për humbjen e thellë me Tiranën, ndërsa rrogozhinasit kërkojnë fitoren e dytë rresht.
Në “Loro Boriçi” do të mbyllen të gjitha llogaritë e javës së 23-të të superiores mes Vllaznisë dhe Dinamos, ora 16:45.
