Real Madrid ka marrë një fitore të vuajtur 1-0 në fushën e Rayo Vallecano-s, në javën e 26-të të La Liga-s. Një fitore që ka ndihmuar skuadrën e Carlo Ancelotti-t të shkojë përkohësisht nëntë pikë larg Sevilla-s së vendit të dytë.
Sfida është vendosur shtatë minuta para fundit nga një gol i Karim Benzema. Sulmuesi francez ka tundur rrjetën pas një kombinimi shumë të bukur me Vinicius Junior në hapësira të ngushta.
Benzema kyreson renditjen e golashënuesve të La Liga-s me 19 realizime në këtë sezon, pas tij renditet shoku i tij i repartit, Vinicius Junior, me 13 gola.
Los Blancos arritën ta zhbllokonin ndeshjen që në pjesën e parë, por goli i shënuar nga Casemiro në minutën e 39-të është anuluar nga VAR për një pozicion jashtë loje.
