Kryeministri japonez Fumio Kishida dënoi sulmet e Rusisë në Ukrainën lindore dhe tha se po tronditen themelet e rendit ndërkombëtar.
“Ne kritikojmë fuqishëm veprimet e Rusisë dhe do të bashkëpunojmë me Shtetet e Bashkuara dhe komunitetin ndërkombëtar për t’u përgjigjur me shpejtësi,” u tha Kishida gazetarëve në një konferencë shtypi.
Kishida shtoi se Tokio do të vazhdojë të punojë me ministritë përkatëse për të garantuar sigurinë e shtetasve japonezë në Ukrainë.
Kur u pyet për sanksione të mëtejshme kundër Moskës, Kishida deklaroi se do të konsideronte masat e ardhshme pasi të komunikonte me vendet e tjera të G7 dhe komunitetin ndërkombëtar.
