Kryeministri Edi Rama deklaroi këtë të Mërkurë se është shumë krenar për punën që ka bërë me ish-ministrin e Brendshëm Saimir Tahiri.
“Unë jam shumë krenar për punën që kam bërë me Saimir Tahirin dhe me punën që Saimir Tahiri ka bërë me mua. Nuk hyn asgjë nga ato për të cilat Saimir Tahiri ka hyrë në akuza dhe për çfarë një ministër apo kushdo qoftë bën jashtë kuadrit të marrëdhënieve me mua të punës që kemi bashkë, unë kryeministër, ai ministër dhe qeveria, të detyrave që kemi bashkë, të planeve që kemi bashkë, është përgjegjësi individuale që ç’ke me atë punë”, tha Rama në komisionin hetimor për inceneratorët.
Tahiri ndodhet i burgosur në burgun e Fierit, pas dënimit me 3 vite e katër muaj burgim nga Apeli i Gjykatës së Posaçme për shpërdorim detyre.
