Aktori Donald Veshaj, pasi nuk u shpall fitues i “BBV”, deklaroi se do të ndërtonte katër shtëpi për njerëzit në nevojë me para nga xhepi i tij. Aktori tha se katër shtëpitë, dy në Shqipëri dhe dy në Kosovë, do të ndërtohen si një shenjë mirënjohjeje për të gjithë ata që e kanë mbështetur gjatë gjithë rrugëtimit brenda shtëpisë së famshme.
Mbrëmjen e djeshme në Post Big Brother VIP, Arbër Hajdari u duk sikur thumboi nismën e aktorit të humorit duke thënë se do të ishte më mirë që këto nisma mos të bëhen publike. Megjithëse nuk përmendi emrin konkret, ai la të nënkuptojë se me këtë koment e ka me aktorin e humorit.
“Është gjë pozitive që bëjnë bamirësi. Ishalla Zoti ja shton garën për të bërë veprat e mira. E mira është që bamirësia mos të bëhet me zë shumë të madh, sidomos për figurat publike. Gjithmonë kam dashur që t’ja kishin shkruar në kontratë e t’i qëndronin fjalëve të tyre.
Ka dy lloj bamirësish, ato që bëhen publike e ato që nuk bëhen. Do të doja shumë që të gjithë faktorët që marrin përsipër për të bërë shtëpi e për të bërë projekte humanitare dhe të shkojnë fizikisht aty.”- tha Hajdari.
Kujtojmë se Donaldi nuk ka qenë i pranishëm në Post Big Brother VIP.
