Fituesi i Big Brother Vip dhe balerini Ilir Shaqiri ka treguar disa nga momentet e natës finale. I ftuar në Post Big Brother Vip, Shaqiri tha se në momentin që u shpall fitues, konkurrenti tjetër Donald Veshaj e ka uruar dhe i ka thënë se e meritonte fitoren. Ai gjithashtu ka treguar se mungesa e vajzës së tij në natën finale e trishtoi shumë.
Iliri: Mua më shkatërroi pritshmërinë time. Kur të përqafova, po kërkoja Emilyn. Nuk kam pasur mundësi të dal shumë, vetëm për t’i bërë tamponin Emanuelës se do ikte në Itali. Kemi takuar njerëz, edhe në aeroport, aeroporti desh fluturoi me gjithë avionin. Ti na ke thënë shumë herë që kjo gjë ka arritur çdo pritshmëri, por që të arrinte në këtë pritshmëri, nuk e kisha menduar kurrë. Unë kam ardhur me një mision për veten.
Këto 4 muaj e gjysmë kam bërë e thënë ato që kam dashur dhe kjo i ka arritur njerëzve shumë qartë, shumë shqeto. Duke arritur në finale, arrita objektivin tim. Tek nata finale, ajo që më dha qetësi është se arrihet ajo që ke parashikuar se rivalitetin me Donaldin e kam parë dhe dashur që në fillim. Në natën finale, Iliri dhe Donaldi ishin shumë të qetë, e shijuan pafundësisht atë që ishte bota e surprizave. Fjalët e fundit që Donaldi më tha ishte “e ndjeva dhe e meritove”.
