Kryeministri Edi Rama zhvilloi një takim afro 45 minutësh paraditen e kësaj të hëne me kryeparlamentarin, njëherësh kreun e LSI, Ilir Metën në Kryesinë e Kuvendit.
Takimi mes Ramës dhe Metës vjen në kohën e replikave dhe akuzave në distancë të ministrave dhe deputetëve të LSI ndaj kolegëve socialist në bashkëqeverisje.
Fundjava ka qenë intensive me deklarata të shumta dhe akuza mes ministrave të qeverisë Rama. Pas tyre erdhën edhe informacione në lidhje me shkarkime nga qeveria, por që nuk u konfirmuan.
Nuk dihet axhenda e takimit mes Ramës dhe Metës, por ajo vjen edhe në kohën kur LSI ende nuk i ka kthyer përgjigje ftesës së PS nëse do të garojnë sërish bashkë në koalicion në zgjedhjet e 18 qershorit.
